Námskrá Leikskólans

Hér er Námskráin í pdf skjali.

Leikskólar Reykjavíkur

Leikskólar Reykjavíkur starfa samkvæmt lögum um leikskóla (1994) og reglugerð um starfsemi leikskóla (1995) Lögin kveða á um að leikskólinn sé fyrsta skólastigið í skólakerfinu og í samræmi við það hefur verið gefin út aðalnámskrá leikskóla (1999) sem er stefnumótandi leiðarvísir um uppeldisstarf í leikskólum. Það er markmið og leiðarljós Leikskóla Reykjavíkur að í leikskólum borgarinnar sé unnið metnaðarfullt fagstarf þar sem hverju barni er mætt á eigin forsendum, byggt upp gott foreldrasamstarf með virkri þátttöku foreldra og í leikskólunum starfi vel menntað starfsfólk. Leikskólar Reykjavíkur leggja áherslu á sjálfstæði hvers leikskóla til að móta sína uppeldisstefnu í samráði við foreldra og börn. Stefnan skal byggjast á sameiginlegri hugmyndafræði starfsfólks og ytri aðstæðum hvers leikskóla.

Leikskólinn

Leikskólinn stendur við Götustíg 99 í Reykjavík. Arkitekt hússins er Albína Thordarson. Leikskólinn var formlega opnaður 25. mars 1996. Deildarnar eru fjórar og heita Furulundur, Lerkilundur, Birkilundur og Grenilundur.
Símanúmer Leikskólans er: ekki virkt
Netfang Laufskála er: ekki virkt
Heimasíða Leikskólans

Hugmyndafræði – áherslur í starfi

Leikskólinn starfar samkvæmt lögum um leikskóla, reglugerð um starfsemi leikskóla og Aðalnámskrá leikskóla. Í leikskólanum skipuleggur og leiðir starfsmaður starfið í samvinnu við börnin og sækir fyrirmyndir til fræðimannanna Vygotsky, Dewey, Piaget, Malaguzzi, Kamii, DeVrie og Carstein Jessen..........

Í stefnumörkun Leikskóla Reykjavíkur um tölvur segir:

Við leggjum áherslu á að öllum börnum sé gert fært að kynnast tölvum og nota til fræðslu, leiks og samskipta.......... Upp

Markmið Leikskólans – leiðarljós
að barnið hafi trú á eigin getu.
að barnið beri virðingu fyrir sjálfu sér, umhverfinu og öðrum.
að börnunum líði vel og þau séu lífsglöð.

Leiðarljós Leikskólans er:
sjálfstæði, vinátta og gleði.

Leiðir
Leikurinn – börnin

Leikurinn er námsleið barnsins og kennslutæki leikskólakennarans. Öll börn hafa áhuga á að leika sér, frjáls og sjálfsprottinn leikur er hið eðlilega tjáningarform barnsins..........
Leikurinn

Leikurinn - leikskólakennarinn

Leikskólakennarinn hefur það hlutverk að skapa rými fyrir leikinn í skipulaginu, að vera nálægur, sýna áhuga, hvetja og aðstoða, að fylgjast með hvernig hlutverkaskipti og ákvarðanataka hjá börnunum eru..........

Opnar spurningar

Lögð er áhersla á að starfsfólk temji sér að nota opnar spurningar í samskiptum við börnin..........

Valið – frjáls leikur

Til að nálgast markmið leikskólans „að barnið hafi trú á eigin getu“ leggjum við áherslu á að börnin fái tækifæri til að taka sjálf ákvörðun um verkefni sín hverju sinni.
Val er í boði á hverjum virkum degi vikunnar.
Í frjálsa leiknum eru í boði verkefni sem gefa börnum tækifæri til að þróa hæfileika sína á afmörkuðum sviðum.......... Upp

Markmið
að barnið öðlist skilning á því að það hefur eitthvað um líf sitt að segja.
að barnið öðlist skilning á að ekkert er óbreytanlegt.
að barnið þori og vilji takast á við hið óþekkta, verði gagnrýninn einstaklingur sem getur valið og hafnað í lífinu.

Hópastarf – vinnustund

Til að nálgast markmið leikskólans „að barnið beri virðingu fyrir sjálfu sér, umhverfinu og öðrum“ vinnum við með börnin í smærri hópum........

Markmið hópastarfs er:
að barnið öðlist þekkingu og færni á því sviði sem unnið er að hverju sinni.
að barnið hafi eitthvað um það að segja hvað er til skoðunar hverju sinni.
að barnið öðlist öryggi og fái hvatningu til vinnu í litlum hópum.
að efla frumkvæði og jákvæða sjálfsmynd barnsins.

Samverustundir

Alla daga vikunnar fara börnin í samverustund. Þeim er þá skipt í hópa eftir aldri og þroska. Þá er lesin saga, sagðar sögur, farið í leiki og rætt saman. Börnin tjá sig og læra að hlusta á aðra.
Þetta er eins konar einbeitingarstund..........

Söngstundir

Söngur er iðkaður á hverjum degi í leikskólanum.
Vinastund er söngstund á hreyfisvæði leikskólans. Á föstudögum koma öll börn leikskólans saman í samsöng..........

Daglegt líf í leikskóla
Hversdagslífið – dagskipulagið

Venjubundnar athafnir daglega lífsins í leikskólanum mótast af andlegum og líkamlegum þörfum barnanna. Markmið með leikskóladvölinni er að barnið verði sjálfstætt og sjálfbjarga..........

Móttaka

Öryggi og hlýlegt viðmót skiptir máli fyrir barnið og er þýðingarmikið fyrir samskipti og tengsl..........

Máltíðir

Í leikskólanum fylgjum við stefnu manneldisráðs um hollt og gott mataræði. Við leggjum áherslu á að bjóða hollan og næringaríkan mat úr öllum fæðuflokkum ..........Upp

Hvíldarstund

Eftir hádegisverð er hvíldarstund, yngri börn sofna og sofa eftir þörfum en eldri börnin eiga rólega stund þar sem þau hlusta á sögur og/eða tónlist.

Hreinlæti

Hreinlæti er mikilvægur þáttur í daglegu lífi barns..........

Frágangur og snyrtimennska

Í fataklefa er oft mikið um að vera. Börnin æfa sig í að klæða sig úr og í og að ganga frá fatnaði sínum..........

Lífsleikni

Lífsleikni er nýlegt hugtak í íslenskri tungu. Með lífsleikni er átt við hæfni til að takast á við lífið sjálft í samskiptum við aðra. Leikskólanámið er í raun samfellt lífsleikninám..........

Námsvið leikskóla - Hreyfing

Góð hreyfing stuðlar að líkamlegri og andlegri vellíðan, gleði, snerpu og þoli. Börn hafa ríka þörf fyrir að hreyfa sig frjálst og óhindrað. Þau skynja líkama sinn og ná smá saman betri valdi á hreyfingum sínum......

Markmið hreyfistunda er:
að barnið auki vitneskju sína um líkamann
að barnið upplifi gleði og ánægju og auki hreyfifærni sína
að barnið styrki sjálfsmynd sína og auðveldi samskipti
að barnið læri hugtök og öðlist aukið þol

Málrækt

Tungumálið er mikilvægt til boðskipta. Það tengir fólk saman, eflir samkennd og er snar þáttur í menningu þjóðar. Málrækt fléttast inn í flesta þætti leikskólastarfs..........

Markmið málræktar fer eftir aldri barns og er:
að það skiljist sem barnið er að segja
að barnið sé fært um að tjá sig
að barnið geti sagt frá og hlustað á aðra
að barnið sýni ritmáli áhuga.

Myndsköpun

Myndsköpun er mikilvægur þáttur í leikskólastarfinu. Frjáls og skapandi myndgerð barns mótast af þroskastigi þess, reynslu og uppvaxtarskilyrðum. Skapandi myndmótun eflir sjálfstraust barnsins. Sköpunarferlið skiptir meira máli en útkoman, því skapandi starf eflir þroskaþætti barnsins..........
Upp

Markmið sköpunar er:
að sjálfstæði barnsins í sköpunarvinnunni aukist
að barnið fái tækifæri til að tjá sig í sköpun í ýmiss konar efnivið

Tónlist

Tónlist er ríkur þáttur í menningu þjóða. Tónlist er einn af þáttum leikskólastarfs. Með iðkun tónlistar þróa börn með sér næmi fyrir hljóðum, hrynjanda og hreyfingu og auk þess er tónlist vettvangur frjálsrar skapandi tjáningar..........

Markmið tónlistarstarfs er:
að barnið öðlist næmi fyrir hljóðum, hreyfingu og hrynjandi
að barnið þroski með sér frumkvæði, frjálsa skapandi tjáningu og túlkun í tónlist.
að barnið skynji takt, styrk, hæð og lengd hljóðs.

Náttúra og umhverfi

Náttúrufræðsla er í margvíslegum myndum í leikskólastarfi. Mikilvægt er að opna augu barnsins fyrir umhverfi sínu, umgengni við umhverfið og verndun þess..........

Markmið umhverfismenntar er:
að barnið þekki og kunni að njóta nánasta umhverfis
að barnið beri virðingu fyrir umhverfinu

Menning og samfélag

Börn kynnast smá saman því umhverfi og þeirri menningu sem þau lifa í. Ýmsar hefðir myndast í skólastarfinu og er það þáttur í innri menningu skólans. Hefðir eru ákveðin tengsl við sögu okkar og fortíð..........

Markmið er:
að kynna fyrir börnunum að til var og nú er
að börnin beri virðingu fyrir sögu lands og þjóðar

Hefðir og hátíðir

Í íslensku þjóðlífi eru ýmsar hátíðir og hefðir sem börnin kynnast og taka þátt í á heimilum sínum og einnig á ýmsan hátt í leikskólanum. Leikskólinn styður við þennan menningararf á ýmsan hátt og styrkir þannig þjóðarvitund barnanna..........

Tölvur - upplýsingamennt

Í aðalnámskrá er kveðið á um aðgengi barna að tölvum. Tölvur í leikskóla eru liður í að jafna aðstöðumun barna..........

Markmið í upplýsingamennt er:
að unnið sé með tölvuna eins og annan efnivið leikskólans
að börnin kynnist tölvu og jaðartækjum sem henni fylgja
að börnin læri að kveikja og slökkva á tölvunni
að börnin læri músarfærni - samhæfingu augna og handa (bendill - mús)
að börnin læri íslensku tölvuorðin (dæmi: tölva, lyklaborð, skjár, mús o.s.frv.)
að börnin kynnist því að vista skjöl og sækja þau á ný
að börnin kynnist því að senda og sækja póst
að barnið upplifi sjálfn sig sem snilling og hafi gleði og ánægju af tölvustarfi

Heiltæk skólastefna.

Leikskólinn er fyrir öll börn. Í leikskóla eru börn með mismunandi getu, reynslu og þroska og er það talinn ávinningur fyrir alla að eiga fjölbreytt samfélag..........

Markmið með sérkennslu er:
að styðja barnið þannig að það geti notið leikskóladvalar sinnar, horft er á sterkar hliðar barnsins og þeir nýttir til að styrkja veikar hliðar þess.
að skapa aðstöðu til að barnið geti þroskast sem best á eigin forsendum
að hvert einstakt barn fái verkefni við sitt hæfi

Samskipti við aðrar þjóðir

Fjölbreytt flóra mannkyns hefur aðgang að leikskólum eins og að þjóðfélaginu í heild. Leikskólar Reykjavíkur hafa sett niður stefnumörkun um aðlögun barna og fjölskyldna sem eru af erlendu bergi brotin í leikskólum. Við fetum þá leið og erum að þróa okkur á því sviði.

Markmið er:
að öll börn njóti dvalar í leikskólanum á eigin forsendum
að foreldrar þeirra finni sig velkomin í leikskólann
að þau nái að læra tungumálið og jafnframt viðhalda sinni tungu, siðum og venjum.

Foreldrasamstarf.
Samvinna starfsmenn – foreldrar

Lykilatriði í öllu starfi leikskólans er gott og traust samstarf við foreldra. Við viljum að samskipti við foreldra byggi á trausti og trúnaði, þar sem áhersla er lögð á góða samvinnu, til farsældar fyrir barnið. Hlustað sé á óskir foreldra og leitast við að veita þeim góða þjónustu..........
Upp

Markmið með foreldrasamstarfi er:
að veita foreldrum upplýsingar um starfsemi leikskólans
að veita gagnkvæmar upplýsinga um stöðu barns milli heimilis og leikskóla
að rækta samvinnu og samskipti leikskólans og heimilann
að stuðla að þátttöku foreldra í starfi leikskólans
að skapa umræðuvettvang fyrir skoðansskipti um uppeldi barna

Þegar barn byrjar í leikskóla

Áður en barn byrjar eru foreldrar boðaðir á fund ýmist einstaklingslega eða hópfund. Leikskólastjóri kynnir starfið í leikskólanum, húsnæðið, starfsemi L.R., M., ferli í sérkennslumálum og afhendir ýmis gögn í möppu barnsins. Foreldrar hitta deildastjóra barns síns..........

Foreldraviðtöl

Fyrstu foreldraviðtöl fara fram í aðlögunarvikunni og síðan eru tvö viðtöl á ári í október og mars. Í viðtölunum er farið yfir líðan barns í leikskólanum, þroska þess og þarfir. Leitast er við að fá viðhorf foreldranna um leikskólann og uppeldi barna.

Foreldrafundur

Foreldrar eru boðaðir á fund um starfsemi leikskólans að hausti. Þá er foreldrum kynnt fyrirhugað starf vetrarins og hvað lagt er til grundvallar.Leikblaðið - fréttablað

Fréttabréf er gefið út þrisvar á ári í september, nóvember, janúar og að vori. Deildir gefa svo út styttri fráttabréf þegar þurfa þykir.

Ýmsir viðburðir

Foreldraskemmtanir sú hefð hefur komist á að foreldrum er boðið til Lúsíuhátíðar sem næst 13. desember ár hvert..........

Foreldrafélag – foreldraráð

Foreldrafélag er starfandi, í því sitja tveir foreldrar af hverri deild og einn fulltrúi skólans. Félagið sinnir ákveðnum verkefnum, skipuleggur ýmsar uppákomur og innheimtir félagsgjöld.

Markmið þess er að stuðla að:
aukinni samvinnu foreldra og starfsfólks
að samvinnu foreldra innbirðis um starfsemi og aðbúnað leikskólans
að því að leggja hagsmunum barna lið bæði innan og utan leikskólans

Foreldraráði skal koma upp við leikskólann, hlutverk þess er að vera umsagnaraðili um ársáætlun, endurmat, námskrá og annað er snertir leikskólastarfið. Foreldraráði hefur ekki verið komið upp en stefnt er að úrbótum í því máli. Upp

Starfsfólk
Fagmenn – leiðbeinendur

Leikskólinn gerir þær kröfur til starfsmanna að þeir séu samstíga og trúir þeim áherslum sem unnið er eftir. Það er grundvallaratriði til að leikskólastarfið skili tilætluðum árangri..........

Skipulags – og námskeiðsdagar

Leikskólinn er lokaður þrjá daga á ári. Þessir dagar eru notaðir til skipulagningar, ársáætlunar og endurmats á starfi leikskólans. Einnig fer fram fræsla sem nýtist starfsmönnum í leikskólastarfinu.

Samstarf við grunnskólann

Það eru tímamót hjá barni er það hefur grunnskólagöngu og mikilvægt að þau gangi ljúflega fyrir sig..........

Mat á leikskólastarfi - Sjálfsmat

Mat er skilgreint á margvíslega vegu og engin ein skilgreining er “rétt”. Mat er ferli sem felur í sér kerfisbundna söfnun upplýsinga. Upplýsingarnar eru notaðar til þess að meta gæði þeirrar þjónustu sem veitt er. Matið er liður í því ferli að bæta gæði þess starfs sem unnið er.
Samkvæmt reglugerð um leikskóla ber leikskóla að móta aðferðir til að meta uppeldisstarfið, stjórnunarhætti, samskipti innan skólans og tengsl við aðila utan hans..........

Markmið með mati eru:
að skoða vinnubrögð og tengja stefnumiðum
að skoða settar leiðir og markmið
að fá álit allra starfsmanna
að fá álit foreldra og viðhorf til leikskólans
að stuðla að því að sátt og einhugur ríki um stefnu og leiðir leikskólans.
að vinna að endurbótum og framförum

Ytra mat

L.R. standa fyrir mati á starfsemi leikskólanna og er það gert annað hvert ár, í hverjum skóla. L.R. leggja fyrir bæði könnun á viðhorfi starfsmanna og könnun á viðhorfi foreldra til leikskólans. Unnið er með niðurstöður þess mats í leikskólanum eins og innra matið það er, gerðar eru úrbætur þar sem þeirra er augljóslega þörf..........

Almennar upplýsingar

Allar helstu upplýsingar og markmið um starfsemi leikskólans hafa farið inn í þetta skjal. Ársáætlun með matsskýrslu innanborð er gefin út ár hvert og afhent leikskólaráðgjafa sem starfar í M..........

Dagskipulag

Dagskipulag er rammi um daglega starfið og veitir öryggi og festu í starfinu..........

Upp