Hugmyndafræði – áherslur í starfi

Leikskólinn starfar samkvæmt lögum um leikskóla, reglugerð um starfsemi leikskóla og Aðalnámskrá leikskóla. Í leikskólanum skipuleggur og leiðtarfsmaður starfið í samvinnu við börnin og sækir fyrirmyndir til fræðimannanna Vygotsky, Dewey, Piaget, Malaguzzi, Kamii, DeVrie og Carsten Jessen.

Vygotsky leggur áherslu á að börnum þurfi að standa til boða verkefni sem þau ráða auðveldlega við ásamt verkefnum sem þau þurfa hjálp hins fullorðna með. Verkefnin verða/þurfa að ögra þeim.

Dewey og Piaget leggja áherslu á að barnið sé skapandi, virkur og hugsandi einstaklingur sem lærir af eigin reynslu og áhuga.

Malaguzzi leggur áherslu á vinnulag sem einkennist af sjálfstæðri, frjálsri vinnu barna og fullorðinna, þar þarf frumkvæði og áhuga á viðfangsefninu að vera til staðar. Ennfremur mikið og gott samstarf við foreldra, iðjuskráning (uppeldisleg skráning) á starfinu og kynning.

Kamii og DeVrie skoða Piaget í menntun leikskólabarna og leggja áherslu á að börn öðlist sjálfstæði, geti orðað skoðanir sínar og kunni að leysa deilur á jákvæðan hátt.

Í tæknivæddum heimi eru tölvur hluti af viðfangsefnum barna. Carsten Jessen leggur áherslu á að tölva sé boðin sem eitt af leikefnum barna. Malaguzzi – Reggiokennarar starfa í þessum anda með tölvur.

Við höfum tekið tölvur í notkun á eldri deildum leikskólans og leggjum upp með að þetta er eitt af leikföngum barnanna. Tölvur eru staðsettar í leikrými barnanna, þar eru þær eðlilegur hluti af umhverfinu og í tengslum við annað leikefni.
Tölvurnar eru ekki enn orðnar nettengdar og nýtast því ekki til upplýsingaleitar né sem samskiptatæki eins og sefnan er hjá Leikskólum Reykjavíkur.

Í stefnu L.R. um tölvur segir:

Við leggjum áherslu á að öllum börnum sé gert fært að kynnast tölvum og nota til fræðslu, leiks og samskipta.

Hver leikskóli velur aðferð og forrit sem hentar hugmyndafræði hans.

Tölvur í leikskóla eiga að stuðla að samskiptum milli leikskóla og milli barna og foreldra.