Dagskipulag - daglegt líf og athafnir

„Skipulag og ákveðnar tímasetningar á daglegum atburðum gefa leikskólastarfinu festu og tryggja hæfilegan og samfelldan tíma til leikja og skapandi starfs“, segir í aðalnámskrá leikskóla (1999).
Dagskipulag er sniðið um daglegt líf og athafnir barnsins í leikskólanum og lýtur að því að fullnægja líkamlegum og andlegum þörfum barnsins. Með skipulaginu er búinn til rammi sem skapa öryggistilfinningu hjá barninu og það veit að hverju það gengur. Matur, söngur, samvera.
Tími fyrir leik og starf þarf að tengjast og það verður að vera rými fyrir hið óvænta í leikskólastarfi, alltaf sveigjanleiki.
Alltaf skal tryggja barni útiveru a.m.k. einu sinni á dag.

Klukkan 8:00 er opnað á öllum deildum og börnin velja sér verkefni til að leika sér með, leiktíminn stendur til kl. 9:30 en þá er samverustund í skipulaginu. Leiksvæði eru á deildum og á gangi, farið er að bjóða fram á gang kl. 9:30. Eldri börnin hafa ganginn sem valsvæði en á yngri deildum er börnum boðið fram í smáhópum. Alltaf fylgir starfsmaður af deild barnsins yngri börnum en eldri börn eru á ganginum undir umsjá starfsmanns af eldri deildum. Þau hafa meira val um svæði og eru að velja sama svæði á báðum deildum.
Morgunverður stendur frammi frá kl. 8:15 til kl. 8:45. Börnin hafa yfirleitt val um tvær tegundir í morgunverð. Í lok samverustundar er börnunum boðinn ávaxtabiti eða grænmeti.
Samverustund er eins konar einbeitingarstund þar sem fram fer sögulestur, frásögn, leikir, framsaga o.fl.o.fl.
Þessa stund viljum við hafa ótruflaða.

Á Furulundi er síðustu börnum skilað. Leikskólinn lokar kl. 17:30 og eiga þá allir að hafa yfirgefið húsið.
Aðra vikuna loka Gyða og Jónína en hina vikuna loka Gústa og Hulda.