Lag: Komdu og skoðaðu í kistuna mína

Til Reykhóla skundum að skemmta okkur saman,
og skorum á alla að slást nú í för.
Þar verður heilmikill glaumur og gaman
og gott blessað veðrið – já það verður fjör.
Þar verður sungið og dansað svo dátt
og drukkið í hófi í friði og sátt.

Á Barmahlíð finnum við bjarkirnar anga
og blágresið prýðir þar lautir og hól.
Hér leikur breiðfirskur vindur um vanga
og Vestfirðir heilsa okkur baðaðir sól.
Í firðinum spegla sig fossar og gjár
og fjallanna hringur svo víður og hár.

Unni og Snæbirni ei megum gleyma
alltaf var gaman að dvelja á Stað.
Mynd þeirra skulum í minningu geyma,
mættum þar vinum er komum í hlað.
En Eiki og Fríða og allt þeirra lið
okkur nú fagnar að höfðingja sið.

J.H.